Búgin kún raıy qandaı bolady
ASTANA. KAZINFORM — Sınoptıkter 13 mamyr, seısenbi kúni elimizdiń birqatar óńirinde eskertý jarııalady.
Qazaqstannyń kóp bóliginde aýa raıy turaqsyz bolyp qala beredi.
Naızaǵaı oınap, jańbyr men burshaq jaýady, jel kúsheıedi, al soltústik-batys pen soltústikte nóser bolady. Tek eldiń ortalyǵy, shyǵysy men ońtústiginde jaýyn-shashynsyz aýa raıy saqtalady. Túnde jáne tańerteń elimizdiń ońtústik-batysynda, soltústiginde jáne ortalyǵynda tuman túsedi.
Mańǵystaý, Qaraǵandy, Ulytaý oblystarynda, Jetisý oblysynyń ońtústik-shyǵysynda, Abaı oblysynyń batysy men soltústiginde, Jambyl oblysynyń soltústigi men ońtústik-shyǵysynda, Túrkistan oblysynyń taýly aımaqtarynda, Almaty oblysynyń soltústigi men batysynda, Atyraý oblysynyń ońtústigi men batysynda, Aqtóbe oblysynyń ońtústigi, ońtústik-shyǵysy jáne batysynda, Pavlodar oblysynyń ońtústik jartysynda, Qostanaı oblysynyń ońtústiginde, Shyǵys Qazaqstan oblysynda, Aqmola oblysynyń batysy, ońtústigi jáne shyǵysynda joǵary órt qaýpi saqtalady.
Qyzylorda, Túrkistan, Mańǵystaý oblysynyń soltústik-shyǵysynda, Jambyl oblysynyń batysy men ortalyǵynda, Qaraǵandy oblysynyń ońtústiginde, Jetisý oblysynyń soltústiginde tótenshe órt qaýpi kútiledi.
Aqtóbe oblysynyń ońtústigi men shyǵysynda, Ulytaý oblysynyń batysy men ońtústiginde 35 gradýsqa deıin ysıdy.
Eske salsaq aldaǵy úsh kúnde aýa raıy qandaı bolatyny týraly jazǵan edik.