Búgin klýbtar arasyndaǵy álem chempıonatynyń fınaly ótedi

ASTANA. KAZINFORM – Búgin fýtboldan klýbtar arasyndaǵy álem chempıonatynyń fınalynda «Parı Sen-Jermen» (Frantsııa) men «Chelsı» (Anglııa) komandalary kezdesedi. 

Match qazaqstandyq ýaqytpen 23:50-de bastalyp, «Qazsport» telearnasynan tikeleı efırde kórsetiledi. 

Toptyq kezeńde «Chelsı» D tobynda AQSh-tyń «Los-Andjelesin» 2:0, Mysyrdyń «Esperans» komandasyn 3:0 esebimen jeńdi. Alaıda Brazılııanyń «Flamengo» fýtbol klýbynan 3:1 esebimen jeńildi. 1/8 fınalda Portýgalııanyń «Benfıkasyn» 4:1, ¼ fınalda Brazılııanyń «Palmeırasyn» 2:1, 1/2 fınalda Brazılııanyń «Flýmınense» 2:0 esebimen tize búktirdi.

Al «Parı Sen-Jermen» V tobynda Ispanııanyń «Atletıko Madrıd» klýbyn 4:0, AQSh-tyń «Sıetl Saýndersin» 2:0 esebimen jeńse, Brazılııanyń «Botafogo» komandasyna 0:1 esebimen ese jiberdi. 

Odan keıin 1/8 fınalda AQSh-tyń «Inter Maıamı» klýbynan 4:0,¼ fınalda Germanııanyń «Bavarııasynan» 2:0, 1/2 fınalda Ispanııanyń «Real Madrıdinen» 4:0 esebimen basym tústi.

Buǵan deıin Klýbtar arasyndaǵy álem chempıonatynyń fınalynda «Parı Sen-Jermen» men «Chelsı» komandasy kezdesetinin jazǵan bolatynbyz.

Álem chempıonatynyń júlde qory — 1 mıllıard AQSh dollary. Atalǵan týrnırde chempıon bolǵan komanda 125 mıllıondy ıelenedi. Qalǵan qarajatty qatysýshy 31 klýb alǵan oryndaryna baılanysty bólisedi. Dop dodasynda 32 komanda synǵa tústi.

Opta sýperkompıýteri 2025 jylǵy álem chempıonatynda qaı komandanyń jeńimpaz atanýy jóninde boljam jasady. Atalǵan boljamǵa sáıkes chempıonattyń basty favorıti retinde Frantsııanyń «Parı Sen-Jermen» komandasynyń múmkindigi 18,5% paıyzǵa baǵalandy.