Búgin Qyzylordada fýtboldan Qazaqstan kýbogynyń fınaly ótedi

QYZYLORDA. KAZINFORM - Búgin fýtboldan Qazaqstan kýbogy fınalynda «Ordabasy» (Shymkent) men «Tobyl» (Qostanaı) sheberlik baıqasady. 

Bul kezdesý 4 qazanda 19:00-de Qyzylorda qalasyndaǵy «Qaısar Arena» stadıonynda bastalyp, «Qazsport» telearnasynan tikeleı efırde kórsetiledi.

Oıynnyń bas tóreshisi mindeti shveıtsarııalyq Sven Volfensbergerge júktelgen. Oǵan otandastary Stefan De Almeıda men Ionas Ernı kómektesedi. VAR tóreshisi den sol eldiń ókili Iohannes fon Mandah.

Al AVAR tóreshisi mindetin astanalyq Arman Esmuratov atqarsa, qosalqy tóreshi kókshetaýlyq Danıl Gorda bolady.

Qazaqstan kýbogy 1992 jyldan beri turaqty túrde ótkizilip keledi. Qazirge deıin barlyǵy 15 komanda kýbokty tóbesine kóterdi. Onyń ishinde «Qaırat» (Almaty) - 10, «Jeńis» (Astana) men «Astana» -3, «Tobyl» (Qostanaı), «Aqtóbe», «Qaısar» (Qyzylorda), «Ordabasy» (Shymkent) -2, «Atyraý», «Ertis» (Pavlodar), «Taraz», «Shahter» (Qaraǵandy),«Vostok» (Óskemen), «Almaty», «Dostyq» (Almaty), «Spartak» (Semeı) - 1 márteden jeńimpaz atandy. 

Bıyl Qazaqstan kýbogyna Premer-lıga, Birinshi jáne Ekinshi lıgadan barlyǵy 30 komanda qatysty. Aldymen Birinshi jáne Ekinshi lıga komandalary alǵashqy irikteý kezeńin ótkizdi. 

Olardyń arasynan irkilmeı shyqqan eki klýb 1/8 fınalda Premer-lıga komandalary qataryna qosyldy.

Jeńimpaz 2026 jyly Konferentsııa lıgasynyń ekinshi irikteý kezeńine joldama alady.