Búgin Qazaqstan Premer-lıgasynyń 15-týr oıyndary ótedi

ASTANA. KAZINFORM — Fýtboldan Premer-lıga komandalary arasyndaǵy el birinshiliginiń 16-týrynda bes oıyn ótedi.

Búgin, 12 shildede saǵat 17:00–de «Ulytaý» (Jezqazǵan) men «Elimaı» (Semeı) oınaıdy. Al 20:00–de «Turan» (Túrkistan) men «Qyzyljar» (Petropavl) jasyl alańǵa shyǵady.

Al 13 shildede 18:00–de «Jeńis» (Astana) pen «Jetisý» (Taldyqorǵan), «Tobyl» (Qostanaı) men «Oqjetpes» (Kókshetaý), 20:00–de «Ordabasy» (Shymkent) men «Astana» oınaıdy.

Bul týrdaǵy aldyn ala ótkizilgen oıyndarda 16 sáýirde almatylyq «Qaırat» «Atyraýdy» 4:0 esebimen jeńse, 14 mamyrda qyzylordalyq «Qaısar» «Aqtóbege» 1:2 esebimen ese jiberdi.

Aıta ketsek, qazir kósh basynda 37 upaımen «Astana» keledi. Odan keıingi oryndardaǵy «Qaırattyń» 36, «Aqtóbeniń» 32 upaıy bar.

Surmergender kóshinde Dastan Sátpaev («Qaırat») pen Nazmı Grıpshı («Astana») 8 golmen kósh basynda tursa, odan keıin Islam Chesnokov («Tobyl»), Marın Tomasov («Astana»), Dáýren Jumat («Oqjetpes») 7 gol soǵyp úlgerdi.

Eske salsaq, fýtboldan Qazaqstan Birinshi lıgasynyń 13-týrynda «Shahter» qatarynan ekinshi ret jeńilip qaldy.