Búgin Horvatııada «Zagreb Open» týrnıri bastalady

Búgin Horvatııa astanasy Zagreb qalasynda «Zagreb Open» reıtıngilik týrnıri bastalady, dep habarlaıdy Kazinform.

Bul - bıylǵy jylǵy alǵashqy reıtıngilik jarys.

Halyqaralyq týrnırge Azamat Dáýletbekov bastaǵan birqatar balýan qatysady. Sondaı-aq atalǵan jarysta áıelder kúresinen Irına Kazıýlına (65 keli), Elena Shalygına (68 keli) jáne Elmıra Syzdyqova (76 keli) boz kilemge shyǵady.

Azamat Dáýletbekov 1994 jyly dúnıege kelgen. 2022, 2023 jyldary ótken álem chempıonatynda qola alǵan. Al, Azııa chempıonatynda 2022, 2023 jyldardary jeńis tuǵyryna kóterilse, 2017 jyly kúmis, 2018 jyly qola júldeger atandy. 

Sondaı-aq bıyl 6-9 maýsym kúnderi Vengrııanyń Býdapesht qalasynda kezekti reıtıngilik týrnır uıymdastyrylady.

11-16 sáýir aralyǵynda balýandar Qyrǵyz eliniń astanasy Bishkekte ótetin jyl saıynǵy Azııa birinshiliginde de reıtıngilik upaılar úshin kúresedi. 

Aıta ketsek, erkin kúresten tuńǵysh álem chempıony Rızabek Aıtmuhan olımpıadalyq salmaqqa aýysty.