Búgin fýtzaldan Qazaqstan birinshiliginiń V týry bastalady

ASTANA. KAZINFORM — Bul týrdyń oıyndary 4-5 qazan kúnderine belgilengen. 

Kósh basynda kele jatqan «Semeı» atalǵan týrda «Qaraǵandy» komandasyn qabyldaıdy. 

Semeılik klýb bıylǵy birinshilikti sátti bastady. Qazirge deıin tórt týrda birde-bir márte jeńilistiń aşy dámin tatqan joq. Týrnır kestesinde 12 upaımen «Aqtóbemen» birge birinshi jáne ekinshi oryndy ózara bólisip tur. 

Al almatylyq «Qaırat» syrt alańda «Atyraýmen» kezdesedi. Ótken týrda «Semeıden» eki márte jeńilip qalǵan olar bul joly upaıdan shashaý shyǵarmaýǵa tyrysady.

Sondaı-aq atalǵan týrda «Tulpar» (Qaraǵandy) men «Shymkent», «Aqtóbe» men «Kaspıı» (Aqtaý), «Aıat» (Qostanaı oblysy) men «Astana», «Jetisý» (Taldyqorǵan) pen «Baıterek» (Oral) sheberlik baıqasady.

Aıta ketsek, fýtzaldan el birinshiliginde bıyl 12 komanda baq synap jatyr.

Eske salsaq, bıyl Almatynyń «Qaıraty» fýtzaldan sýperkýbok ıegeri atandy.