Búgin fýtboldan Qazaqstan kýbogynyń jartylaı fınaly bastalady

ASTANA. KAZINFORM — Búgin fýtboldan Qazaqstan kýbogy jartylaı fınal oıyndar ótkiziledi.

Jartylaı fınaldyń alǵashqy jubynda 18.00-de «Tobyl» kezdesse, taǵy birinde 20.00-de «Aqtóbe» men «Elimaı» sheberlik baıqasady.

Jartylaı fınaldyń qarymta oıyny 19 maýsymda ótkiziledi.

Fınal 29 qyrkúıekke belgilengen.

Bıyl Qazaqstan kýbogynyń aldyn ala irikteý kezeńi 1-19 naýryz aralyǵynda ótse, 21-23 naýryzda komandalar aldyn ala irikteý kezeńiniń pleı-off satysynda sheberlik baıqasty.

Ekinshi kezeńde Premer-lıganyń 13 komandasy men aldyn ala irikteý kezeńinde úzdik shyqqan 3 ujym ózara jup qurady.

Odan shırek fınal oıyndary boldy.

Búginge deıin «Qaırat» 9 márte kýbokty tóbesine kóterdi.

Al, «Jeńis» (Astana) men «Astana» — 3, «Qaısar» (Qyzylorda) men «Ordabasy» (Shymkent) — 2, «Ertis» (Pavlodar), «Taraz», «Shahter» (Qaraǵandy), «Vostok» (Óskemen), «Aqtóbe», «Almaty», «Tobyl» (Qostanaı), «Dostyq» (Almaty), «Elimaı» (Semeı) — 1 márteden kýbok ıegeri atandy.