Búgin fýtboldan el birinshiliginiń onynshy týry bastalady

ASTANA. KAZINFORM - Búgin, 1 maýsymda fýtboldan Qazaqstan Premer-lıgasynyń onynshy týry bastalady.

Atalǵan týr oıyndary 1 jáne 2 maýsym kúnderine belgilengen. 

Búgin, 1 maýsymda aldymen 19:00-de «Tobyl» (Qostanaı) men «Qaısar» (Qyzylorda) jasyl alańǵa shyǵady.

Odan keıin 21:00-de «Ordabasy» (Shymkent) men «Jetisý» (Taldyqorǵan) kezdesedi. 

Al 2 maýsymda 19:00-de «Turan» (Túrkistan) men «Aqtóbe», «Elimaı» (Semeı) men «Qyzyljar» (Petropavl), «Qaırat» (Almaty) pen «Shahter» (Qaraǵandy) oınaıdy.

Atalǵan týrdy 21.00-de «Jeńis» (Astana) pen «Atyraý» komandalary túıindeıdi.

Bul týrdyń oıyndaryn «Qazsport», «Q Football», «Q Arena» telearnalary men QFL.KZ saıtynda tamashalaýǵa bolady.

Aıta ketsek, toǵyz týrdan keıin 15 upaımen «Aqtóbe», «Elimaı» men «Qaırat» úzdik úshtikte keledi.

Surmergender sapynda Idrıs Ýmaev («Aqtóbe»), Maksım Samorodov («Aqtóbe») jáne Evgenıı Berezkın («Qyzyljar») tórt gol soǵyp, kósh basynda tur.