Búgin fýtboldan Birinshi lıganyń HIH týr oıyndary bastalady

ASTANA. KAZINFORM - Atalǵan týr oıyndary 21-22 tamyz kúnderine belgilengen.

Búgin, 21 tamyzda «Akademııa Ońtústik» (Shymkent) pen «Ertis» (Pavlodar), AKAS (Almaty) pen «Aqtóbe-2», «Altaı» (Óskemen) men «Túrkistan» oınaıdy. 

Al 22 tamyzda «Jetisaı» (Túrkistan oblysy) men «Ekibastuz» (Pavlodar oblysy), «Shahter» (Qaraǵandy) men «Qaırat-2» (Almaty), «Kaspıı» (Aqtaý) men «SD Family» (Astana), «Taraz» ben «Han táńiri» (Almaty) oınaıdy. 

Týrnır kestesinde alǵashqy eki orynǵa ıe bolǵan komandalar aldaǵy jyly Premer-lıgaǵa qatysýǵa tikeleı joldamaǵa qol jetkizedi. 

Bıyl «Shahter», «Ertis», «Kaspıı» komandalary úzdikter qatarynda bolady dep boljanyp otyr. 

On toǵyz týrdan keıin «Kaspıı», «Ertis», «Shahter», «Altaı» komandalary alǵashqy oryndardy ózara bólisip tur. 

Eske salsaq, budan buryn fýtboldan Qazaqstan ulttyq quramasynyń bas bapkeri Álı Álıev qyrkúıek aıynda 2026 jylǵy álem chempıonatynyń irikteý kezeńi aıasynda ótetin eki kezdesýge shaqyrtylǵan oıynshylardyń keńeıtilgen tizimin jarııalady.