Búgin elimizdiń úsh qalasynda aýa sapasy nasharlaýy múmkin

16 qazan kúni sınoptıkterdiń málimetinshe, búgin Aqtóbe, Almaty jáne Pavlodar qalalarynda atmosferanyń lastanýyna yqpal etetin qolaısyz meteorologııalyq jaǵdaı qalyptasady, dep habarlaıdy Kazinform agenttigi «Qazgıdromet» RMK-ǵa silteme jasap.

Qolaısyz meteorologııalyq jaǵdaılar (QMJ) — atmosferadaǵy zııandy (lastaýshy) zattardyń jınalýyna yqpal etetin qysqa merzimdi tabıǵı faktorlardyń (tynysh aýa raıy, baıaý jel, tuman, ınversııa) jıyntyǵy.

Mundaı jaǵdaıda eldi mekenderdegi aýa sapasy nasharlap, adam densaýlyǵyna keri áser etýi múmkin.

Atmosferalyq aýanyń lastaný deńgeıiniń qalyptasýyna áser etetin negizgi faktorlardyń biri — sınoptıkalyq jaǵdaıdyń (jeldiń baǵyty men jyldamdyǵy, jaýyn-shashyn, ylǵaldylyq, aýa temperatýrasy) boljamy.

Buǵan deıin aldaǵy kúnderi elimizdiń biraz óńirinde aýa raıyna soltústik antıtsıklon áser etetini habarlanǵan.