Búgin elimizdiń qaı qalalarynda aýa sapasynyń nasharlaıtyny belgili boldy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

«2025 jylǵy 23 jeltoqsanda Atyraý, Almaty, Pavlodar, Balqash qalalarynda aýanyń lastanýynyń qolaısyz meteorologııalyq jaǵdaılary kútiledi», delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, buǵan deıin aldaǵy úsh kúnde aýa raıy qandaı bolatynyn jazdyq. 

Al keshe Batys Qazaqstanda aýa raıynyń buzylýyna baılanysty joldar jabyldy.