Búgin elimizdiń basym bóliginde aýa sapasy joǵary bolady

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

«2025 jyldyń 18 jeltoqsanynda aýanyń lastanýyna qolaısyz meteorologııalyq jaǵdaılar Atyraý qalasynda kútiledi», delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Eske sala keteıik, 17 jeltoqsan kúni óńirlerde aýa sapasy tómendemeıtini habarlandy. 

Al aýa raıyna baılanysty elimizdiń 14 óńirinde eskertý jarııalandy.