Búgin el aýmaǵynda jel kúsheıip, ońtústikte shańdy daýyl turady

ASTANA. KAZINFORM — Qazgıdromet RMK mamandary el aýmaǵynda 3 mamyrda bolatyn qaýipti meteorologııalyq qubylystarǵa boljam jasady.

Atmosferalyq frontaldy bólikterdiń ótýine baılanysty Qazaqstannyń basym bóliginde turaqsyz aýa raıy saqtalady, naızaǵaı oınap, jańbyr jaýady.

- Túnde ońtústik-shyǵystyń taýly aýdandarynda jaýyn-shashyn (jańbyr, qar), eldiń batysynda, soltústiginde, ońtústik-shyǵysynda burshaq jaýady. QR shyǵysynda, ońtústiginde, ortalyǵynda jaýyn-shashynsyz aýa raıy kútiledi. Respýblıka boıynsha jel kúsheıip, ońtústik-batysynda, ońtústiginde shańdy daýyl bolady, túngi jáne tańǵy saǵattarda tuman túsedi, - delingen boljamda.

Soltústik Qazaqstan oblysynyń shyǵysynda, Abaı oblysynyń batysynda, Shyǵys Qazaqstan oblysynyń shyǵysynda, Pavlodar oblysynyń soltústiginde, batysynda 2-3 gradýsqa deıin úsik júredi. Qostanaı, Qaraǵandy oblystarynyń soltústiginde, Aqmola oblysynyń shyǵysynda topyraq betinde 1-2 gradýsqa deın úsik kútiledi.

Qyzylorda, Jambyl, Túrkistan oblystarynda, Almaty oblysynyń batysynda, ortalyǵynda, Atyraý, oblysynyń ońtústiginde, Qaraǵandy oblysynyń ońtústiginde, batysynda, Ulytaý oblysynyń ortalyǵynda, Aqtóbe oblysynyń ońtústiginde, ońtústik-shyǵysynda, Mańǵystaý oblysynyń soltústik-shyǵysynda, shyǵysynda, ortalyǵynda, Jetisý oblysynyń batysynda, soltústiginde, ońtústik-shyǵysynda, Shyǵys Qazaqstan oblysynyń soltústik-batysynda, ońtústiginde, Abaı oblysynyń soltústik-batysynda, ońtústiginde, ortalyǵynda, Pavlodar oblysynyń ońtústik-shyǵysynda joǵary órt qaýpi saqtalady.

Túrkistan oblysynyń batysynda, shóldi aýdandarynda tótenshe órt qaýpi kútiledi.

Aıta keteıik, búgin tek bir qalada aýa sapasy tómendeıdi.