Búgin Chempıondar lıgasy 1/8 fınalynyń qarymta oıyndary bastalady

ASTANA. KAZINFORM - Búgin, 11 naýryzda ÝEFA Chempıondar lıgasy 1/8 fınalynyń qarymta oıyndary bastalady.

Atalǵan týrnırde bıyl alǵash ret 36 komanda baq synap jatyr. Dúbirli dop dodasynda komandalar jańadan ázirlengen nusqa boıynsha saıysqa túsýde.

Aldymen 11 naýryzda saǵat 22.35-te Frantsııanyń «Barselonasy» óz alańynda Portýgalııanyń «Benfıka» klýbymen sheberlik baıqasady. Alǵashqy oıynda ıspanııalyq klýb 1:0 esebimen basym túsken edi.

Artynsha 00:50-de «Lıverpýl» (Anglııa) men «Parı Sen-Jermen» (Frantsııa) jasyl alańǵa shyǵady. Atalǵan juptyń alǵashqy oıynynda anglııalyq klýb 1:0 esebimen jeńiske jetti. Atalǵan oıyndar «Qazsport» telearnasynan tikeleı efırde kórsetiledi.

Al 00:50-de bastalatyn «Baıer» (Germanııa) men «Bavarııa» (Germanııa) kezdesýin tikeleı efırde «Qazaqstan» telarnasynan tamashalaýǵa bolady. Alǵashqy kezdesý 3:0 esebimen mıýnhendik klýbtyń basymdyǵymen aıaqtaldy.

Sondaı-aq bul kúni «Inter» (Italııa) men «Feıenoord» (Nıderland) kezdesýi bolady. Birinshi kezdesýde ıtalııalyq klýb qarsylasyn 2:0 esebimen tize búktirdi.

Ekinshi oıyn kúni, 12 naýryzda 22.35-te «Lıll» (Frantsııa) men «Borýssııa Dortmýnd» (Germanııa) sheberlik baıqasady. Alǵashqy kezdesýde komandalar 1:1 esebine qanaǵat bildirdi. Al 00:50-de «Atletıko Madrıd» (Ispanııa) pen «Real Madrıd» (Ispanııa) kezdesedi. Bul juptyń birinshi oıyny 2:1 esebimen koroldik klýbtyń basymdyǵymen aıaqtaldy. Atalǵan eki kezdesý «Qazsport» telearnasynan tikeleı efırde kórsetiledi.

Sondaı-aq «Arsenal» (Anglııa) men PSV (Nıderland) oıynyn 00:50-de tikeleı efırde «Qazaqstan» telernasynan kórýge bolady. Birinshi oıynda anglııalyq klýb 7:1 esebimen jeńiske jetti.

Jarystyń atalǵan satysyndaǵy taǵy bir kezdesý «Aston Vılla» (Anglııa) men «Brıýgge» (Belgııa) sheberlik baıqasady. Birinshi kezdesý 3:1 esebimen anglııalyq klýbtyń basymdyǵymen aıaqtaldy.

Osyǵan deıin álem jáne Qazaqstan fýtbolynyń ańyzǵa aınalǵan oıynshylary Astanada kezdesetini týraly jazdyq.