Búgin Bolgarııada «Strandja» týrnıri bastalady
ASTANA. KAZINFORM — Búgin, 24 aqpanda Bolgarııada bokstan Qazaqstan quramasy «Strandja» týrnırine qatysady.
Halyqaralyq týrnır 24 aqpan men 2 naýryz aralyǵynda ótedi.
QR Týrızm jáne sport mınıstrliginiń habarlaýynsha, bıyl qazaqstandyq boksshylar Ispanııa men Serbııada ótken halyqaralyq týrnırlerde úzdik nátıje kórsetti.
Kópshilik «Strandja» týrnırin «kishi álem chempıonaty» dep ataıdy. Atalǵan jarysqa bıyl Aljır, Qytaı Taıpeıi, Horvatııa, Ulybrıtanııa, Ýels, Frantsııa, Ózbekstan, Grekııa, Majarstan, Mońǵolııa, Kosovo, Slovakııa, Túrkııa jáne Bolgarııa qatysady dep kútilýde.
El quramasy sapynda jastar arasyndaǵy álem chempıony Tórehan Sabyrhan, Parıj Olımpıadasynyń júldegeri Nurbek Oralbaı, Parıj Olımpıadasynyń qatysýshylary — Aıbek Oralbaı, Mahmud Sabyrhan men Muhammedsabyr Bazarbaıuly, álem jáne Azııa chempıonatynyń júldegeri Abylaıhan Júsipov jáne ózge de tájirıbeli boksshylar oıyn kórsetedi.
Halyqaralyq týrnırge qazaqstandyq boksshylar 1994 jyldan beri qatysyp keledi. Osy ýaqyt aralyǵynda otandyq boksshylar 12 altyn, 16 kúmis, 28 qola medal jeńip alǵan.
Eske salsaq, bokstan 2025 jylǵy álem kýbogynyń kezeńi Qazaqstanda ótedi.