Búgin bes oblysta úsik júredi - Qazgıdromet

ASTANA. KAZINFORM – «Qazgıdromet» RMK-sy mamyrdyń 27-si kúngi kún raıy boljamyn jarııalady.

Kásiporynnyń derekterine qaraǵanda, tsıklon jáne onymen baılanysty sýyq atmosferalyq aǵyndar QR basym bóliginiń kún raıyna áser etedi, sonyń saldarynan túnde jaýyn-shashyn, shyǵysta qatty jańbyr, qar jaýady, eldiń soltústik-shyǵysynda qatty jańbyr ótedi. Eldiń ońtústiginde ǵana antıtsıklonnyń áserinen kún ashyq, jaýyn-shashynsyz bolady. Respýblıka boıynsha ekpindi jel soǵyp, naızaǵaı oınaıdy, eldiń soltústiginde burshaq jaýady, ortalyǵynda daýyl turyp, ońtústik-shyǵysta túnde tuman túsedi.

Túnde Aqmola, Qaraǵandy oblystarynyń batysynda, Ulytaý, Soltústik Qazaqstan oblystarynyń soltústiginde, Túrkistan oblysynyń soltústiginde topyraq betinde, taýly aýdandarynda 1-2 gradýs úsikjúredi.

Qostanaı oblysynyń ońtústiginde, Atyraý oblysynyń batysynda, ońtústiginde, Qyzylorda oblysynyń shyǵysynda, Batys Qazaqstan oblysynyń batysynda, ońtústik-batysynda, Abaı oblysynyń ortalyǵynda joǵary órt qaýipi saqtalady.

Abaı oblysynyń ońtústiginde, Jetisý oblysynyń shyǵysynda, Túrkistan oblysynyń shóldi aýdandarynda tótenshe órt qaýipi saqtalady.