Búgin «Barys» Reseıde «Avtomobılıst» komandasymen kezdesedi

ASTANA. KAZINFORM - Qazaqstandyq «Barys» komandasy búgin Qurlyqtyq hokkeı lıgasyndaǵy kezekti oıynyn Reseıde «Avtomobılıst» (Ekaterınbýrg) komandasyna qarsy ótkizedi.

Kezdesý búgin, 17 qyrkúıekte saǵat 19:00-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 61 márte kezdesken. Onyń 37-i elordalyq klýbtyń basymdyǵymen aıaqtalsa, qalǵan oıynda reseılik komanda jeńiske jetken. Keıingi eki oıynda qazaqstandyq klýb atalǵan qarsylasyna ese jibergen.

Aıta ketsek, budan buryn «Barys» elordada Reseıdiń «Neftehımık» (Nıjnekamsk), «Traktor» (Chelıabınsk), «Amýr» (Habarovsk), Belarýstiń «Dınamo» (Mınsk) komandalarynan jeńilip qalǵan edi.

Endi qazaqstandyq komanda budan keıin qatarynan eki oıynyn syrt aıdynda ótkizedi. Aldymen 19 qyrkúıekte «Ak Bars» (Qazan) komandasymen kezdesse, 21 qyrkúıekte «Vıtıaz» (Podolsk) klýbtarymen oınaıdy.