Búgin Astana men taǵy 11 qalada aýa sapasy nasharlaıdy

ASTANA. KAZINFORM — Sınoptıkter elimizdegi búgingi aýa sapasyna qatysty boljamyn jarııalady. 

— 2026 jylǵy 26 qańtarda Petropavl, Kókshetaý, Qaraǵandy, Jezqazǵan, Balqash, Temirtaý, Oral, Atyraý, Aqtóbe, Almaty qalalarynda, túnde Astana jáne Qostanaı qalalarynda aýanyń lastanýynyń qolaısyz meteorologııalyq jaǵdaılary boljanǵan, — delingen habarlamada. 

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, sınoptıkter elimizdiń biraz óńirinde qar jaýyp, boran soǵyp, kóktaıǵaq bolatynyn eskertti.