Búgin alty oblys pen Almatyda qalyń tuman túsedi

ASTANA. KAZINFORM — QazAvtoJol elimizdiń avtojoldaryndaǵy aýa raıy týraly málimet taratty. 

Oǵan sensek, Túrkistan, Qyzylorda, Qostanaı, Jambyl, Batys Qazaqstan, Aqtóbe oblystary jáne Almaty qalasynda qalyń tuman túsedi.

Saldarynan avtojoldarda kórinis shektelýi múmkin.

Al, Aqmola, Soltústik Qazaqstan, Pavlodar oblystary men Astana qalasynda ekpini 15-20 m/s jel soǵady dep boljanyp otyr.

«Qaýipsizdik maqsatynda jol júrý erejesin qatań saqtap, uzaq jolǵa shyǵar aldynda aýa raıynyń qolaısyzdyǵyn eskerýlerińizdi suraımyz» dep eskertedi mekemeden.