9 tamyzda Almaty men Atyraýda aýa lastanady

ASTANA. KAZINFORM — 9 tamyz kúni Qazaqstan aýmaǵynyń basym bóliginde qolaıly meteorologııalyq jaǵdaı saqtalady.

«Qazgıdromet» RMK baspasóz qyzmeti taratqan málimetke sensek, 9 tamyz, juma kúni elimizdegi qalalardyń basym kópshiliginde meteorologııalyq ahýal birqalypty bolady.

Tek Almaty, túnde Atyraý qalasynda ǵana aýa sapasy birshama nasharlaıdy.

Qolaısyz meteorologııalyq jaǵdaı — atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.