Búgin Almaty qalasynda aýa sapasy nasharlaıdy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

– 9 naýryzda Almaty qalasynda aýanyń lastanýynyń qolaısyz meteorologııalyq jaǵdaıy kútiledi, – delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, Almatyda 2030 jylǵa deıingi dendrologııalyq jospar ázirlenip jatyr.

Al Úkimet basshysynyń birinshi orynbasary Roman Sklıar Májilis depýtattarynyń saýalyna oraı Qytaıdyń aýa sapasyn basqarý ádisin qoldaný múmkindigi zerdelenip jatqanyn jetkizdi.