Búgin 4 jańa mınıstr ant qabyldady

ASTANA. KAZINFORM – Úkimet otyrysynda Premer-Mınıstr orynbasary - Ulttyq ekonomıka mınıstri Nurlan Baıbazarov, Qarjy mınıstri Mádı Takıev, Tótenshe jaǵdaılar mınıstri Shyńǵys Árinov jáne Densaýlyq saqtaý mınıstri Aqmaral Álnazarova áriptesteriniń aldynda ant berdi.

«Qazaqstan halqy men Prezıdenti aldynda óz Otanym — Qazaqstannyń ekonomıkalyq jáne rýhanı damý isine barlyq kúsh-jigerim men bilimimdi jumsaýǵa, memlekettiń Konstıtýtsııasy men zańdaryn qatań saqtaýǵa, ózimniń barlyq is áreketimde zańdylyq pen ádilettilik, azamattyq, ultaralyq jáne konfessııaaralyq tatýlyq prıntsıpterin ustanýǵa, Qazaqstan halqyna adal qyzmet etýge, óz elimniń memlekettiligi men dúnıejúzilik qoǵamdastyqtaǵy bedelin nyǵaıta berýge saltanatty túrde ant etemin», — delingen ant mátininde.

Eske salaıyq qaıta jasaqtalǵan Úkimettiń quramynda 4 jańa esim bar.