Búgingi tańda Astana qalasynda 63 350 zeınetker turyp jatyr

ASTANA. QazAqparat - Ústimizdegi jyldyń 1 qańtarynan bastap, Qazaqstanda zeınetaqy tólemderi 9 paıyzǵa kóbeıdi. Zeınetaqy tóleý jónindegi memlekettik ortalyqtyń málimetinshe, qazirgi kezde Astana qalasy boıynsha 63 350 zeınetker tirkelgen, dep habarlady astana.kz.

«2015 jyldyń 1 qańtarynan bastap, 2015 jyldyń 1 qańtaryna deıin belgilengen ýákiletti uıymnyń zeınetaqy tólemderin arttyrý, barlyq zeınetaqy alýshylarǵa, sonyń ishinde áskerı qyzmette qyzmet atqarǵandarǵa, arnaıy memlekettik jáne quqyq qorǵaý organdarynyń qyzmetkerlerine, arnaýly ataqtar men synyptyq shender berilgen, biliktilik synyby bekitilgen memlekettik feldegerlik qyzmettiń qyzmetkerlerine, sondaı-aq synyptyq shender alý jáne nysandy kıim kıip júrý quqyqtary 2012 jylǵy 1 qańtardan bastap, joıylǵan adamdarǵa alatyn zeınetaqy tóleminiń 9 paıyzy kóleminde júrgizilsin». Budan basqa, 2015 jylǵy 1 qańtardan bastap, eń tómengi zeınetaqy mólsheri ulǵaıdy. «2015 jylǵy 1 qańtardan bastap, eń az zeınetaqy mólsheri - 23 692 teńge bolyp belgilensin», delingen «2015-2017 jyldarǵa arnalǵan respýblıkalyq bıýdjet týraly» QR Zańynda. 2014 jyly eń tómengi zeınetaqy mólsheri 20 782 teńgeni qurady. Memlekettik bazalyq zeınetaqy tólemderiniń mólsheri 2015 jylǵy 1 qańtardan bastap 11 182 teńgege deıin artty. 2014 jyly memlekettik bazalyq zeınetaqylyq tólem mólsheri 9 983 teńgeni qurady.