Búgingi saılaýda Qaraǵandy oblysyndaǵy 14 máslıhattyń depýtattary daýys beredi
Qaraǵandy oblysynda senator mandatyna úsh adam úmitker. Parlamenttiń joǵarǵy palatasyna saılaý Qaraǵandy kenshiler mádenıet saraıynyń ǵımaratynda ótedi. Daýys berýge oblys máslıhattarynyń barlyq deńgeıdegi saılaýshylary-depýtattary jınaldy
Qaraǵandy oblysynda Senat depýtattyǵyna jeti kandıdat usynyldy. Úsh kandıdat tirkelgen.
«Búgingi tańda óńir boıynsha oblys máslıhattarynan 204 saılaýshy depýtat tirkelgen. Qaraǵandy oblysynda 14 máslıhat bar. Búginde olardyń ókilderi daýys berý quqyǵyna ıe. Qazirgi ýaqytta depýtattardy tirkeý rásimi júrip jatyr. Elektrondyq tirkeý tekserilip, saǵat 11.00-de daýys berý rásimi bastalady. Daýys berý qorytyndysy boıynsha hattama jasalady. Saılaý qorytyndysyn OSK bir apta ishinde jarııalaıdy. Belgili bir sebeptermen daýys berýge qatysa almaǵan depýtattarǵa keletin bolsaq, aldyn-ala eskertý boıynsha arnaıy erejeler joq. Biz barlyq depýtattardy saılaý ótetin orny men ýaqyty boıynsha ýaqtyly habardar ettik. Biraq túrli sebepter bolýy múmkin. Zań boıynsha bul olardyń quqyǵy, biraq mindeti emes», - dedi Qaraǵandy oblystyq saılaý komıssııasynyń tóraǵasy Qaırat Núrkenov.
Esterińizge sala keteıik, Memleket basshysynyń Jarlyǵymen QR Parlamenti Senatynyń depýtattaryn saılaý 2023 jylǵy 14 qańtarǵa taǵaıyndaldy.
Senatty qalyptastyrý tártibi QR Konstıtýtsııasynda aıqyndalǵan. Parlamenttiń joǵarǵy palatasynda ár oblystan, respýblıkalyq mańyzy bar qaladan jáne Astanadan eki adam usynylǵan. Senat depýtattary janama saılaý quqyǵy negizinde saılaýshylar – máslıhat depýtattary jasyryn daýys bergen kezde saılanady. Senat depýtattarynyń ókilettik merzimi alty jyldy quraıdy. Bul jaǵdaıda jartysy úsh jyl saıyn qaıta saılanady.
