Búgin - Jumataı Jaqypbaevtyń týǵan kúni
Tiri bolǵanda aqyn 72 jasqa tolar edi.
Jumataı Saǵadıuly Almaty oblysynda týǵan. Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti) bitirgen. Taldyqorǵan oblystyq gazetinde, «Jalyn» baspasynda, «Jalyn» jýrnalynda, Qazaqstan Jazýshylar odaǵynda qyzmet etti. «Saratan», «Láılá», «Shuǵynyq gúl tórkini» jyr jınaqtaryn jazǵan aqyn 45 jasynda baqılyq boldy.
Kózi qaraqty oqyrman Jumataıdyń Láıláǵa arnap jazǵan lırıkalyq jyrlaryn jaqsy biledi. Jumataıdyń bul mahabbaty ańyzǵa aınaldy.
Keter kúnim... Keler, keler ol daǵy,
Bir qaraly sherý shyǵar jolǵa áli.
Sol bir kezde jan balasy jylamaı
Láılá, jalǵyz sen óksiseń bolǵany, - dep jazǵan Jumataı ómirlik mýzasyna «adamzat jazbaǵan jyr» arnap, keıingi býyn súısine oqıtyn jaýhar shyǵarmalar qaldyrdy.
