Búgin qazaqstandyq 2 jerserik Space X kesheninen ushyrylady
Spaceflight SSO-A: SmallSat Express mıssııasy barysynda Falcon 9 zymyrany tómengi jer mańaıyndaǵy orbıtaǵa ártúrli kommertsııalyq jáne memlekettik uıymdardyń 64 ǵarysh apparatyn jetkizýi tıis. Olardyń qatarynda 15 shaǵyn sptýnık pen 49 kýbsaty - ǵaryshty zertteý úshin Jerdiń shaǵyn jasandy spýtnıkteri bar.
Keshendi ushyrýdyń tapsyrys berýshileri 17 eldiń (Avstralııa, Brazılııa, Fınlıandııa, Germanııa, Úndistan, Italııa, Iordanııa, Qazaqstan, Nıderlandy, Polsha, Ońtústik Koreıa, Ispanııa, Shveıtsarııa, Taıland, Kanada, Ulybrıtanııa, AQSh) 34 operatory (25 kompanııa) bolyp otyr.
«Atalǵan mıssııa kompanııanyń jáne barlyq amerıkalyq zymyran-tasyǵyshtardyń tarıhyndaǵy sapaly júkteme retinde apparattardyń sany jaǵynan eń iri ushyrý bolady», - delingen Space X kompanııasy saıtynyń «VKontakte» áleýmettik jelisinde.
Ushyrýdyń operatory Vashıngton shtatynyń Sıetl qalasynda ornalasqan Spaceflight Inc jeke áýe ǵarysh kompanııasy bolyp otyr.
Kompanııanyń habarlamasyna sáıkes, bul ushyrý kompanııa úshin tuńǵysh aýqymdy mıssııa bolmaq.
Naqtyraq aıtqanda, bul qurylǵylar - ýnıversıtettik ǵarysh apparattary, baılanys ǵarysh apparattary, sýretke túsirýge arnalǵan ǵarysh apparattary, tehnologııanyń demonstratorlary, shyǵarmashylyq eksponattar men oqýshylardyń/stýdentterdiń ǵarysh apparatttary.
Jalpy salmaǵy 4000 kelilik spýtnıkter kún-sınhrondy orbıtaǵa/ GEO - 575 shaqyrymǵa ushyrylady.
Shaǵyn spýtnıkter men kýbsattardyń qyzmet etý merzimi 1 aıdan 10 jylǵa sozylady.
Aldaǵy ushyrý jaıly tolyǵyraq aqparatta spýtnıkterdi orbıtaǵa shyǵarý protsesi kórsetilgen. Qajetti orbıtaǵa jetkizilgennen keıin mıssııanyń alǵashqy júktemesinen bólektenetin bolady (áskerı tapsyrys berýshilerdiń apparattary). Sodan keıin joǵarǵy platforma apparattarymen birge qos platformamen túıisedi.
64 spýtnıktiń ishinde Qazaqstan Respýblıkasynyń eki ǵarysh apparaty bar. Bireýi KazSTSAT - salmaǵy 100 kelilik tehnologııalyq mańyzdy spýtnık. Shaǵyn spýtnık SSTL-X50 alańynda qurastyrylǵan. Orbıtanyń bıiktigi - 542 shaqyrym.
Spýtnıkti 2015 jyldan bastap SSTL (Surrey Satellite Technology Ltd) aǵylshyn kompanııasynyń bazasynda «Ǵalam» birlesken kompanııasyndaǵy qazaqstandyq mamandar qurastyrǵan. Spýtnık tabıǵı apattarǵa monıtorıng jasaý, aýyl sharýashylyǵyna monıtorıng jasaý, sýdyń sapasyn anyqtaýǵa arnalǵan.
Qazaqstannyń ekinshi ǵarysh apparaty - salmaǵy 5 kelilik KazSciSat 1 kýbsaty. Ony «Ǵalam» birlesken kompanııasy (LLP Ghalam) qurastyrǵan. Ǵylymı nanospýtnık Jerdiń magnıttik aýmaǵyn ólsheýge arnalǵan.
Avtory: Sara Qabıqyzy
