Búgin Qazaqstan qalalarynda aýa sapasy qandaı bolady

ASTANA. QazAqparat – «Qazgıdromet» RMK 23 tamyz kúni Qazaqstan qalalarynda qalyptasatyn aýa sapasyna boljamyn jarııalady, dep habarlaıdy QazAqparat.

Sársenbide Aqtaý, Almaty, Óskemen, Rıdder, túnde Astana qalalarynda aýanyń lastanýynyń qolaısyz jaǵdaılary kútiledi.

Ózge qalalarda meteorologııalyq ahýal norma sheginde bolady.

Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.