Búgin-erteń HQO-da keıbir qyzmetter kórsetilmeıdi

ASTANA. QazAqparat – 9-10 maýsym halyqqa qyzmet kórsetý ortalyqtarynda tehnıkalyq jumystarǵa baılanysty keıbir qyzmetter kórsetilmeıdi, dep habarlaıdy QazAqparat tilshisi «Azamattarǵa arnalǵan úkimet» korporatsııasynyń baspasóz qyzmetine silteme jasap.

«Іshki ister mınıstriliginiń aqparattyq-óndiristik ortalyǵy tehnıkalyq jumystar júrgizip jatyr. Osyǵan baılanysty 9 maýsym saǵat 14:00-den 10 maýsym saǵat 18:00-ge deıin elimizdiń búkil halyqqa qyzmet kórsetý ortalyqtarynda keı qyzmetterdi alýǵa ótinim qabyldaý ýaqytsha toqtatylatynyn habarlaımyz», - delingen habarlamada.

Aqparatta aıtylǵandaı, búgin-erteń myna qyzmetter qoljetimsiz bolady:

- Qazaqstan Respýblıkasynda ýaqytsha bolatyn sheteldikter men azamattyǵy joq adamdarǵa jeke sáıkestendirý nómirin qalyptastyrý jáne túzetý;

- Eńbek ımmıgranty retinde kóship kelýshige ruqsat berý, merzimdi uzartý jáne keri qaıtaryp alý;

- Qazaqstan Respýblıkasynda ýaqytsha bolatyn sheteldikter men azamattyǵy joq adamdarǵa ýaqytsha turýǵa ruqsat berý;

- Qazaqstan Respýblıkasynan tys jerlerge turýǵa qujat resimdeý.