Búgin elordalyq saýda ortalyqtarynda merekelik jeńildikter jasalady
Bul týraly Astana qalasy ákimi apparatynyń baspasóz qyzmetinen habarlady, dep jazady astana.kz. Atap aıtqanda, 30 tamyzda MEGA Astana saýda oıyn-saýyq ortalyǵynda baǵaly syılyqtar tigilgen vıktorınalyq oıyndar uıymdastyrylyp, kontsert qoıylady. Al «Saryarqa» saýda ortalyǵynda taýarlardy jeńildikpen satyp alýǵa múmkindik týady. Mereke aıasynda «Kerýen» saýda oıyn-saýyq ortalyǵy «Mektepke jol» aktsııasy aıasynda az qamtylǵan otbasylardan shyqqan balalarǵa kómek kórsetpek. «Azııa Park» saýda oıyn-saýyq ortalyǵynda qazaqstandyq estrada juldyzdary men bı ujymdarynyń kontserttik baǵdarlamasy ótedi. Sondaı-aq saǵat 16.00-de «Han Shatyr» saýda oıyn saýyq ortalyǵyna kelýshiler «Hantalapaı» qazaqtyń ulttyq oıynyn oınap, qolma-qol syılyqtarǵa ıe bolady. Sonymen qatar «Arýjan» saýda oıyn-saýyq ortalyǵynda Konstıtýtsııa kúnin merekeleý aıasynda Astana qalasynyń ánshileri men bıshileri óz ónerlerin ortaǵa salady.