Búgin elordada qandaı sharalar uıymdastyrylady

ASTANA. QazAqparat – Astana kúni merekesine baılanysty elordada birqatar shara ótedi, dep habarlaıdy QazAqparat.

Atap aıtqanda, saǵat 11:00-de Astana qalasyndaǵy Qarýly Kúshterdiń Ulttyq áskerı-patrıottyq ortalyǵynda «Astana-mádenıet kerýeni» áskerı orkestrlerdiń І Halyqaralyq áskerı-mýzykalyq festıvali týraly» baspasóz konferentsııasy bastalady.

Al, 16:00-de Ortalyq saıabaqtyń avtoturaǵynda qalalyq «Tolaǵaı» alyptar saıysy ótedi.

Sondaı-aq, 18:00-de EKSPO aýmaǵynda Astana qalasy ákimdigi jáne Mádenıet basqarmasynyń uıymdastyrýymen «Open Air» merekelik kontserti bolady.

Al, saǵat 18:00-de «Astana opera» teatrynda Dj. Verdıdiń «Aıda» operasy qoıylsa, 19:00-de «Nomad sıtı holl» teatrynda «Bolmaǵan balalyq shaq» dramasy kórsetiledi jáne dál osy ýaqytta, ıaǵnı 19.00-de Jas kórermenderdiń mýzykalyq teatrynda «Mahabbat bar ma?» lırıkalyq dramasy sahnalanady.

Buǵan deıin habarlaǵanymyzdaı, elorda kúnine oraı 100-den astam mádenı, sporttyq jáne tanymdyq is-shara ótkizý josparlanǵan.