Búgin - Dýlat Isabekovtyń týǵan kúni
Dýlat Isabekov 1942 jyly Ońtústik Qazaqstan oblysy, Saıram aýdanynda týǵan. 1966 jyly Qazaq memlekettik ýnıversıtetin bitirgen.
Isabekov ár jyldary Qazaq KSR Televızııa jáne radıohabar jónindegi memlekettik komıtetinde aǵa redaktor (1967-1968), Qazaq Sovet entsıklopedııasy bas redaktsııasynda aǵa ǵylymı redaktor (1968-1970), «Juldyz» jýrnalynda bólim meńgerýshisi (1971-1976), «Jalyn» baspasynda redaktsııa meńgerýshisi (1976-1980), Qazaq KSR Mádenıet mınıstrligi repertýarlyq-redaktsııalyq kollegııanyń bas redaktory (1980-1988), Qazaq teledıdarynyń bas dırektory (1988-1992), «Jazýshy» baspasynyń dırektory (1992-1995), Qazaqstan Jazýshylar odaǵynyń hatshysy, QR Mádenıettaný ǵylymızertteý ınstıtýtynyń dırektory bolyp eńbek etken.
Alǵashqy áńgimesi 1963 jyly «Zamandastar» atty jınaqta «Jolda» ataýymen jarııalandy. Keıin «Beket» (1966), «Aşy bal» (1969), «Mazasyz kúnder», (1970), «Qara shańyraq» (1973), «Tirshilik» (1975) povester men áńgimeler jınaqtary, «Qarǵyn» (1980) romany basyldy. Tańdamaly povesteri «Eki jıyrma» (1983) degen atpen jaryq kórdi. Birqatar shyǵarmalary orys tilinde aýdarylyp, «Polyn» (1978), «Otchıı dom» (1979), «Smıatenıe» (1986), «Novosele v starom dome» (1986) degen atpen basyldy.
Tańdaýly pesalar jınaǵy «Jeti jelken» degen atpen 1987 jyly jaryq kórdi. «Rektordyń qabyldaý kúnderi» (1975), «Ápke» (1977), «Erteńdi kútý» (1979), «Muragerler» (1982), «Alystan kelgen ananas» (1984), «Kishkentaı aýyl» (1986), «Anasyn ańsaǵan qyz», «Eskertkish operatsııasy», «Eski úıdegi eki kezdesý», «Bonaparttyń úılenýi», «MuńlyqZarlyq», «Amal men aıla» t.b. pesalary respýblıkalyq, oblystyq teatr sahnalarynda qoıyldy. 2014 jyly jazýshynyń «Ókpek jolaýshy» atty pesasy London qalasynda qoıyldy.
Jekelegen týyndylary boıynsha «Gaýhar tas» (rej. Sh.Beısembaev, 1975), «Dermene» (rej. A.Áshimov, 1986), «Taýqymet» (rej.U.Qoldaýova) kórkem fılmderi túsirildi. «Muragerler» pesasy úshin D.Isabekov 1985 jyly Qazaqstan Jazýshylar odaǵynyń M.Áýezov atyndaǵy syılyǵyn aldy, odan bólek QR Memlekettik syılyǵynyń (1992), Halyqaralyq PEN klýb, Platınaly «Tarlan» syılyqtarynyń (2006) laýreaty.
