Búgin 10 qalada aýa sapasy nasharlaıdy

ASTANA. QazAqparat – «Qazgıdromet» RMK málimetinshe, búgin 10 qalada aýa sapasy nasharlaıdy, dep habarlaıdy QazAqparat.

«25 qańtarda Qaraǵandy, Jezqazǵan, Balqash, Temirtaý, Atyraý, Aqtóbe, Aqtaý, Shymkent, Astana jáne Almaty qalalarynda qolaısyz meteorologııalyq jaǵdaılar kútiledi», - delingen málimette. Ózge shaharlarda aýa sapasy norma sheginde bolady.

Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.