Bishkektiń jylý ortalyǵynda apat boldy

ASTANA. KAZINFORM – Búgin túnde Bishkektegi jylý ortalyqtarynyń birinde apat boldy, dep habarlady 24.kg

Aldyn ala málimet boıynsha, qazandyqtardyń biri jarylǵan. Jarylys sebebi ázirge belgisiz.

Kóptegen qala turǵyndary búgin tańerteń ystyq sý tapshylyǵyna tap boldy, sonymen qatar batareıalardyń temperatýrasy aıtarlyqtaı tómendegen.

Energetıka mınıstrligi Bishkektegi jylý ortalyǵynda bolǵan apatty rastady.

Vedomstvonyń málimetinshe, búgin túnde shamamen saǵat 3.00-de JEO aýmaǵynda jarylys dybysy estilgen. Qaladaǵy keıbir turǵyn úılerge ýaqytsha ystyq sý men jylý berilmeıdi.