Bishkek mańynda Mı-8 áskerı tikushaǵy qulady

ASTANA. KAZINFORM - Bishkek mańynda Mı-8 áskerı tikushaǵy qulady, dep habarlaıdy Qyrǵyzstannyń Kabar agenttigi.

«Jergilikti ýaqyt boıynsha saǵat 10:55-te «Frýnze-1» áýe bazasynda Mı-8 áskerı tikushaǵy qulady. Bort 203. Ekıpajdyń jaǵdaıy áli belgisiz», - delingen habarlamada.

Qyrǵyzstan Qorǵanys mınıstrliginiń agenttigine habarlaǵandaı, Qyrǵyzstan Áýe qorǵanys kúshteriniń tikushaǵy oqý-jattyǵý barysynda qonýǵa májbúr bolǵan. Zardap shekkender bar.

«Qorǵanys mınıstrliginiń jáne áýe qorǵanys kúshteriniń basshylyǵy oqıǵanyń mán-jaıyn anyqtaý boıynsha jumystar júrgizýde. Tergeý nátıjeleri týraly qosymsha aqparat keıinirek habarlanatyn bolady», - dep atap ótti vedomstvodan.