Birjan Kósherbaev Petropavl ákiminiń orynbasary boldy
Petropavl qalasy ákiminiń orynbasary bolyp Birjan Kósherbaev taǵaıyndaldy. Ol qurylys jáne jedel máselelerge jaýap beretin bolady, dep habarlaıdy Kazinform.
Petropavl qalasy ákiminiń baspasóz qyzmetinen málim etkendeı, Birjan Saılaýuly 1994 jyly 7 qańtarda SQO Aqqaıyń aýdany Rýblevka aýylynda dúnıege kelgen. 2016 jyly Máskeý qalasynda Ulttyq bıznes ınstıtýtyn bitirgen.
Eńbek jolyn 2013 jyly SQO boıynsha Memlekettik sáýlet-qurylys baqylaý jáne lıtsenzııalaý departamentinde zańger kómekshisi qyzmetinen bastaǵan.
2016-2018 jyldary — «Soltústik Qazaqstan oblysy ákimdiginiń memlekettik sáýlet-qurylys baqylaý jáne lıtsenzııalaý basqarmasy» KMM bas maman;
2018-2019 jyldary — QR Indýstrııa jáne ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq isteri komıtetiniń tehnıkalyq retteý jáne normalaý basqarmasynyń sarapshysy;
2019-2021 jyldary — «Soltústik Qazaqstan oblysy ákimdiginiń memlekettik sáýlet-qurylys baqylaý jáne lıtsenzııalaý basqarmasy» KMM bólim basshysy;
Osy taǵaıyndaýǵa deıin Soltústik Qazaqstan oblysy ákimdiginiń memlekettik sáýlet-qurylys baqylaý jáne lıtsenzııalaý basqarmasynyń basshysy laýazymynda jumys istedi.
Buǵan deıin Petropavl qalasy ákiminiń orynbasary bolǵan Ádilbek Áýbákirov 4 qazan kúni óz erkimen qyzmetinen ketti.
