Brıýsselde Eýroodaq basshylarynyń sammıti bastaldy

BRıÝSSELЬ. KAZINFORM –  Búgin Eýropa astanasynda Eýropalyq Odaqqa múshe 27 memleket basshylarynyń eki kúndik sammıti bastaldy.

Eýropalyq baspasózdiń habarlaýynsha, bul jolǵy otyrysqa qatysýshylardyń basty mindeti - Eýroodaqtaǵy eń joǵary úsh laýazymǵa úmitkerler týraly sheshim qabyldaý. «Pakettik mámile» dep atalatyn shara aıasynda Eýropalyq komıssııa tóraǵasynyń, Eýropalyq keńes basshysynyń jáne EO-nyń syrtqy ister jáne qaýipsizdik saıasaty jónindegi Joǵarǵy ókiliniń ustanymdaryn kelisý josparlanýda.

Seısenbidegi jaǵdaı boıynsha, Germanııanyń Ýrsýla fon der Leıen, portýgalııalyq Antonıý Kosta jáne estonııalyq Kaja Kallas Eýropalyq komıssııadaǵy, Eýropalyq keńestegi jáne syrtqy qyzmettegi joǵary laýazymdarǵa kelissózshiler tarapynan usynyldy.

Sonymen qatar, Eýropa astanasynda EO elderiniń úkimet basshylary halyqaralyq kún tártibindegi ózekti máselelerdi talqylaıdy.