Brıýsselde Qazaqstan men EO arasyndaǵy ekijaqty qarym-qatynas keleshegi talqylandy
Eýropa astanasynda Qazaqstan ókili Eýroparlament múshelerimen, Eýropalyq syrtqy áreket qyzmetimen birqatar kezdesý ótkizdi.
R.Vasılenko Belgııadaǵy qazaqstandyq BAQ ókilderimen mundaǵy kezdesýleriniń mazmuny týraly aıtyp berdi.
«Bıyl Qazaqstan men Eýropalyq Odaq arasyndaǵy dıplomatııalyq qarym-qatynastyń ornaǵanyna 30 jyl tolady. Naqty kúni - 2 aqpan. Kezdesýlerimizdiń maqsaty ótken 2022 jyly atqarylǵan isterdi baǵalaý boldy. Eýropalyq áriptesterimiz atap ótkendeı, bul bizdiń qarym-qatynastarymyzdy damytýda buryn-sońdy bolmaǵan qarqyndy jyl boldy. Biz 2023 jyldy da laıyqty ótkizý, Qazaqstan Respýblıkasynyń Prezıdenti Qasym-Jomart Toqaev pen Eýropalyq Odaq basshylyǵy, dálirek aıtqanda Qazaqstanǵa saparmen kelgen Eýrokeńes basshysy Sharl Mıshel jáne Eýrokomıssııa prezıdenti Ýrsýla fon der Lıaıen qol jetkizgen barlyq ýaǵdalastyqtardy júzege asyrý úshin jańa josparlar belgiledik», - dedi Roman Vasılenko.
Eýrokomıssııa basshysy Qazaqstanǵa bıyl sapar jasap, Qazaqstan Respýblıkasynyń Premer-Mınıstri Á.Smaıylovpen turaqty shıkizat, batareıalar jáne «jasyl» sýtegi qunynyń tizbegin qurý salasynda qol qoıǵan yntymaqtastyq týraly memorandýmdy júzege asyrý boıynsha «jol kartasyna» qol qoıýdy josparlap otyr.
Qazaqstan eýropalyq naryqqa munaıdyń 8-9%-ǵa jýyǵyn jetkizedi, ıaǵnı Eýropalyq Odaq úshin energetıkalyq resýrstardy eń mańyzdy jetkizýshilerdiń biri.
Qazaqstan-Eýropa arasyndaǵy pikirtalastardyń taǵy bir taqyryby – «Orta dálizdi» damytý. ıAǵnı, Qazaqstan men Eýropa arasynda Kaspıı teńizi, Ázerbaıjan, Grýzııa jáne Túrkııa arqyly tyǵyz baılanys ornatý. Bul taqyryp bıyl da eki jaqtyń nazarynda bolmaq.
