Birikken Arab Ámirlikterin sý basty, qaza tapqandar bar

ASTANA. KAZINFORM – Nóser jaýynnan Birikken Arab Ámirlikterindegi qalalardy sý basty. El bıligi turǵyndardy úıde qalýǵa, sý basqan aımaqtardan aýlaq bolýǵa jáne saıahatty shekteýge shaqyrdy, dep habarlaıdy Kazinform menshikti tilshisi. 

BAÁ Ulttyq meteorologııa ortalyǵy el boıynsha qubylmaly aýa raıy týraly habarlady. Nóser jaýyn jaýyp, jel ekpini kúsheıedi dep boljanyp otyr.

BAÁ-niń kóp bóliginde nóser jańbyr jaýdy. Khaleej Times habarlaýynsha, jaýyn-shashynnyń eń kóp mólsheri Ras-el-Haımada (127 mm) jaýǵan, Port Sakrda 123 mm, al Djabal-ar-Rahba men Djabal-Djeıstiń taýly aımaqtarynda sáıkesinshe 117,5 mm jáne 166,6 mm jaýyn-shashyn jaýdy.

Gulf News habarlaýynsha, Shardja polıtsııasy sý tasqynynan ónerkásiptik aımaqta eki adamnyń elektr toǵynan qaza tapqanyn tergep jatyr.

Eldiń eń iri qalalarynyń biri Dýbaıdy da sý basty. Bılik qaýipsizdik maqsatynda qaladaǵy saıabaqtar men qoǵamdyq jaǵajaılardy japty.

Buǵan deıin Saýd Arabııasynda qar jaýǵanyn jazdyq.