Brıtanııalyqtardyń úshten ekisi óz eli úshin soǵysqysy kelmeıdi

ASTANA. KAZINFORM — Brıtandyq azamattardyń úshten ekisi óz eline shabýyl jasalsa, soǵysqysy kelmeıdi, dep habarlaıdy The Sunday Express. 

Gazet jarııalaǵan qoǵamdyq saýalnamanyń nátıjesine sáıkes, respondentterdiń 64%-y soǵys bolǵan jaǵdaıda koroldiktiń qarýly kúshterine qosylǵysy kelmeıtinin úzildi-kesildi málimdegen. Saýalnamaǵa qatysqandardyń taǵy 6%-y mundaı stsenarııde áskerı qyzmetke qosylǵysy keletinine kúmán keltirgen.

Árbir jas tobynda qarýly kúshterge barǵysy kelmeıtinderdiń sany basym, biraq 18 ben 34 jas aralyǵyndaǵy jastar soǵys qımyldary kezinde áskerge barady. Basylym saýalnamaǵa qansha adam qatysqany týraly málimet bermegen.

Ulybrıtanııanyń oppozıtsııalyq Konservatıvtik partııasynyń depýtaty Mark Fransýa eldegi áskerı qyzmettiń tartymsyzdyǵy úshin leıborıster úkimetin aıyptady.

Eske sala keteıik, Ulybrıtanııa, Frantsııa jáne Germanııa Iranǵa qarsy sanktsııalardy qaıtarý protsesin bastady.