Brıtanııada mektep oqýshylarynyń avtobýsy aýdarylyp qaldy

ASTANA. KAZINFORM – Ulybrıtanııada mektep oqýshylary mingen avtobýs ekskýrsııadan kele jatyp, joldan shyǵyp ketip, aýdarylyp qalǵan. Bir oqýshy mert bolyp, ekeýi aýyr jaraqat aldy.

Bul týraly arnaıy baspasóz máslıhatynda Eıvon jáne Somerset okrýgteri aımaqtyq polıtsııasynyń sýperıntendanty Mark Edjıngton málim etti, dep jazady reseılik TASS.

Onyń sózinshe, oqıǵa Anglııanyń ońtústik-batysyndaǵy Somerset graftyǵynda 17 shilde kúni bolǵan. Zardap shekken eki oqýshy medıtsınalyq tikushaqpen aýrýhanǵa jetkizildi. Avtobýsta barlyǵy 60-tan 70 adamǵa deıin bolǵan. Olardyń 21-ne dárigerdiń kómegi qajet boldy. Keıbiriniń jaraqaty aýyr.

The Daily Telegraph basylymynyń jazýynsha, jol apatyna túsken Maınhed orta mektebiniń (Somerset graftyǵy) oqýshylary Devon graftyǵyndaǵy Eksmýra haıýanattar baǵynan kele jatqan. Oqýshylardyń jasy 9 ben 14 aralyǵynda. Olardyń jazǵy demalysqa shyǵýlaryna 5 kún qalǵan.

Osy oqıǵaǵa baılanysty Ulybrıtanııa premer-mınıstri Kır Starmer men mınıstrler kabınetiniń ókilderi kóńil aıtty.

Osyǵan deıin Ulybrıtanııadaǵy Saýtend áýejaıynda eki qozǵaltqyshty ushaq apatqa ushyraǵany týraly jazdyq.