Brıtanııa polıtsııasy elektromagnıttik qarýmen qarýlanbaq

ASTANA. KAZINFORM – Brıtanııa polıtseıleri qylmys jasaý úshin paıdalanylatyn elektrli velosıpedterdiń nemese elektr skýterleriniń qozǵaltqyshtaryn óshirýge qabiletti elektromagnıtti qarý qoldanýy múmkin.

Ulybrıtanııa Qorǵanys mınıstrliginiń Qorǵanys ǵylymy men tehnologııa zerthanasy jasap jatqan elektromagnıtti qarý birneshe aıdan keıin tártip saqshylarynyń qolynda bolýy múmkin.

Qurastyrýshylardyń aıtýynsha, elektromagnıttik qarý ishten janatyn qozǵaltqyshtqyshy bar kólikterdi májbúrlep toqtatýdyń tıimdi quraly bola alady.

Elektr skýterleri men velosıpedteri Ulybrıtanııada myńdaǵan qylmystarda qoldanylǵan. Máselen, olardyń joǵary jyldamdyǵy men eptiligi qylmyskerlerge ótip bara jatqan adamdy tonap, tez jasyryný úshin trotýarǵa shyǵý sııaqty quqyq buzýshylyqtardy tez jasaýǵa múmkindik beredi.