Brıtandyq jazýshy Djoan Roýlıng eń kóp tabys tapqan jazýshylardyń reıtıngin bastap tur

NUR-SULTAN. QazAqparat – Amerıkalyq Forbes jýrnalynyń uıǵarymy boıynsha 2019 jylǵy eń kóp tabys tapqan jazýshylardyń tizimin brıtandyq jazýshy Djoan Roýlıng bastap tur. Reıtıng basylymnyń resmı saıtynda jarııalandy.

Roýlıngtiń Nıý-Iorktaǵy Brodveı teatrynda bolǵan spektakl bıletteriniń satylymy rekordtyq kórsetkishke jetti, kitabynyń 2,8 mln kóshirmesi satyldy, taqyryptyq oıyn-saýyq parkinen túsetin kirisi men sońǵy kitabyn ekranǵa shyǵarýdan jınalǵan qarajaty onyń alǵashqy oryndy ıelenýine sebep boldy. Jazýshynyń jalpy kirisi 92 mln dollardy quraǵan.

Ekinshi orynda - Bıll Klıntonmen birge «Prezıdent joǵaldy» romanyn jazǵan amerıkalyq jazýshy Djeıms Patterson.Onyń tabysy 70 mln dollar.

Reıtıngtegi úshinshi orynǵa AQSh-tyń eks- birinshi hanymy Mıshel Obama jaıǵasty. Ol óziniń BECOMING kitabyn satý arqyly 36 mln dollar tapqan.