Brıtandyq barlaý qyzmetiniń basshysy bolyp alǵash ret áıel taǵaıyndaldy
ASTANA. KAZINFORM — MI6 basshysy — brıtandyq barlaý qyzmetiniń kópshilikke tanymal jalǵyz qyzmetkeri, dep habarlaıdy Kazinform menshikti tilshisi.
Ulybrıtanııa premer-mınıstri Bleız Metrevelıdi MI6 dep tanymal Qupııa barlaý qyzmeti tarıhyndaǵy 18-shi basshy etip taǵaıyndady. Ol bul qyzmetke taǵaıyndalǵan alǵashqy áıel boldy.
Qazirgi kezde ol MI6-da tehnologııalar men ınnovatsııalarǵa jaýapty «Q» sektsııasynyń bas dırektory qyzmetin atqaryp keledi jáne buǵan deıin MI5 ishki qaýipsizdik qyzmetinde joǵary laýazymda bolǵan. Ol osy kúzde qyzmetten ketetin Rıchard Mýrdy aýystyrady.
Brıtan úkimetiniń saıtynda habarlanǵandaı, Bleız Metrevelı — MI6-da qyzmetin 1999 jyly jedel qyzmetker retinde bastaǵan kásibı barlaýshy.
Ol óziniń mansabynyń kóp bóligin Taıaý Shyǵys pen Eýropadaǵy operatsııalyq jumysta ótkizdi. Kembrıdj ýnıversıtetinde antropologııany oqyǵany da belgili.