«Brest qamaly» kitaby jaryqqa shyqty

ASTANA. QazAqparat - Osydan 76 jyl buryn dál osy kúni Ekinshi dúnıejúzilik soǵys bastaldy. Surapyl soǵys birinshi bolyp Brest qamalyn sharpydy. Búgin sol keskilesken shaıqasta qalany erlikpen qorǵaǵan qazaqstandyq jaýyngerler týraly «Brest qamaly» atty jańa kitap jaryqqa shyqty, dep habarlaıdy 24.kz telearnasy.

Bul týyndynyń avtory tarıh ǵylymdarynyń doktory Láıla Ahmetova birqatar eldiń muraǵattary men murajaılarynda bolyp, qundy derekter jınaǵan.

Avtor buryn iz-túzsiz joǵaldy dep sanalǵan 500-den astam sarbazdy soǵysta qaıtys bolǵandar sanatyna qosady. 625 betten turatyn eńbekte Brest qamalynda jaýmen shaıqasqan qazaqstandyq jaýyngerler týraly málimet pen fotoqujattar jınaqtalǵan.

Reseılik tarıhshylardyń aıtýynsha, qamaldy 7 myń sarbaz qorǵaǵan. Sonyń myńǵa jýyǵy Qazaqstannan barǵan jaýyngerler.

- Soǵystyń birinshi kúnin sol Brest qamalynda qarsy aldyq. Qaısy bolsyn soǵystyń birinshi kúnderinde elin qorǵaı bildi, jerin qorǵaı bildi. Árqaısysy óziniń áskerı mindetin joǵary baǵada ótkizdi, - dedi Uly Otan soǵysynyń ardageri Ǵabbas Jumatov.