Brent markaly munaı 4,3 paıyzǵa qymbattady

ASTANA. KAZINFORM - Sársenbi kúni Irannyń Qorǵanys mınıstri AQSh-pen qaqtyǵys bolǵan jaǵdaıda Tegeran Taıaý Shyǵystaǵy amerıkalyq bazalardyń barlyǵyna soqqy beretinin málimdedi. Bul týraly Qazaqstan qarjygerler qaýymdastyǵynyń málimdemesinde aıtylǵan.

Taıaý Shyǵystaǵy geosaıası shıelenistiń kúsheıýi jaǵdaıynda «qara altynnyń» baǵasy barreline 69,8 dollarǵa deıin (+4,3%) kóterildi, bul jetkizilim úzilisine qatysty alańdaýshylyqty arttyryp otyr.

Sársenbi kúni AQSh Memlekettik departamenti men Pentagon Taıaý Shyǵystyń birneshe aımaǵynda jaǵdaıdyń nasharlaýyna baılanysty qyzmetkerlerdiń qysqartylǵany týraly habarlady.

Al, Iran qorǵanys mınıstri Azız Nasırzade ıadrolyq kelissózder sátsiz aıaqtalyp, Vashıngtonmen qaqtyǵys týyndasa, Tegeran aımaqtaǵy amerıkalyq bazalarǵa soqqy beredi dep málimdedi. Buǵan deıin Donald Tramp taraptar ıadrolyq baǵdarlama boıynsha jańa kelisimge kelmese biraz qıyndyq bolatynyn aıtyp, Irandy birneshe ret qorqytqan. 

Baǵalar AQSh-tyń energetıkalyq aqparat ákimshiliginiń (EIA) derekterimen qosymsha rastaldy. Esepke sáıkes, kommertsııalyq munaı qory 6 maýsymda aıaqtalǵan aptada 3,6 mıllıon barrelge tómendedi. Bul WSJ saýalnamasyna qatysqan sarapshylardyń boljamynan aıtarlyqtaı asyp tústi, olar nebári 1,6 mıllıon barrel tómendeıdi dep kútken.

Buǵan deıin Irannyń munaıdan basqa taýaryn eksporttaıtyn 7 eldi ataǵanyn jazǵan edik.