Brazılııadaǵy qazaqstandyqtar daýys bere bastady

ASTANA. QazAqparat – Astanada ýaqytymen saǵat 16.00-de Brazılııadaǵy Qazaqstan Elshiligi janynan ashylǵan saılaý ýchaskesi jumysyn bastady. Bul týraly QR Ortalyq saılaý komıssııasynyń múshesi Anastasııa Şegortsova aıtty, dep habarlaıdy QazAqparat tilshisi.

«Astana ýaqytymen 16.00-de Brazılııada daýys berý bastaldy. 68 sheteldik saılaý ýchaskeleriniń 64-inde daýys berý júrip jatyr. Amerıka men Kanadadaǵy saılaý ýchaskeleri ýaqyt aıyrmashylyǵyna baılanysty keshirek ashylady», - dedi Anastatsııa Şegortsova.

Azamattardyń ýchaskelerge kelýi týraly kelesi aqparat elorda ýaqyty boıynsha saǵat 18.05 jáne 20.05-te beriledi.

Aldyn ala jasalatyn jalpy qorytyndy aqparatty QR OSK saǵat 22.05-te usynady.

Búgin elimizde kezekten tys prezıdent saılaýy ótip jatyr. Barlyq óńirde 10 033 ýchaske daýys berýge kiristi.

Sonymen qatar shet memleketterdegi Qazaqstan Respýblıkasynyń ókildikteri janyndaǵy 64 ýchaskede daýys berý bastaldy.

Osylaısha, qazirgi ýaqytta saılaý 10 097 ýchaskede ótip jatyr.