Brazılııa Izraıldegi elshisin shaqyryp aldy
ASTANA. KAZINFORM – Izraıl prezıdent Lýıs Inasıo Lýla da Sılvany «persona non grata» dep jarııalaǵannan keıin Brazılııa Tel-Avıvtegi elshisin «konsýltatsııalar úshin» keri shaqyryp aldy, dep habarlaıdy Anadoly aqparat agenttigi.
Prezıdent Lýla da Sılva Izraıl málimdemelerinen keıin óz mınıstrleri men keńesshilerin Izraılmen daǵdarysty talqylaý úshin respýblıka prezıdentiniń resmı rezıdentsııasynda «shuǵyl» kezdesýge shaqyrdy. Izraıldiń Lýla da Sılvaǵa qatysty sózderine jaýap retinde Brazılııa Tel-Avıvtegi elshisi Frederıko Meıerdi keńesý úshin elge shaqyrdy.
Prezıdenttiń keńesshisi Selsý Amorım óz málimdemesinde Izraıldiń Lýla da Sılvaǵa qatysty sózderin «maǵynasyzdyq» dep atady. Brazılııa bıligi bul máselege qatysty resmı málimdeme jasamaǵanymen, jergilikti BAQ Izraıldiń Brazılııadaǵy elshisi Danıel Zonshaınnyń Syrtqy ister mınıstrligine shaqyrylǵanyn habarlady.
Eske sala ketsek, Brazılııa prezıdenti Lýla da Sılva Izraıldiń Gaza sektoryn basyp alýyn «genotsıd» jáne Gaza sektorynda bolyp jatqan oqıǵalardy «soǵys emes, genotsıd» dep atady. Izraıl premer-mınıstri Bınıamın Netanıahý da Lýla da Sılvanyń sózderine qatysty «Brazılııa qyzyl syzyqtan ótti» dep jaýap berdi.
Budan buryn Izraıl Ońtústik Afrıka prezıdenti Sırıl Ramafosanyń Palestınany qoldaıtyn málimdemelerine baılanysty Ońtústik Afrıkadaǵy elshisin odan ári konsýltatsııalar úshin shaqyrtyp alǵan bolatyn.
