Brakonerler ıtbalyqtardyń basyn kesip tastaǵan – mınıstrlik

NUR-SULTAN. QazAqparat – Kaspıı teńizinde ıtbalyqtardyń naqty neden qyrylǵanyn anyqtaý múmkin emes. Óıtkeni, janýarlardyń óleksesi ydyrap ketken. Balyq sharýashylyǵy komıteti tóraǵasynyń orynbasary Aıan Bahııanov osylaı dep málimdedi, dep habarlaıdy QazAqparat tilshisi.

«Ǵylymı uıymdar zertteý júrgizgenimen, ıtbalyqtardyń naqty neden qyrylǵany anyqtalmady. Tek janama sebepter bar. Mamandar ıtbalyqtar sáýir-mamyr aılarynda emes, qańtar-aqpanda ólgen dep qorytyndy shyǵardy. Taǵy bir boljam, ol – qys mezgiliniń óte jyly bolýy. ıAǵnı, atalǵan sý janýarlary muzdyń ústine kúshikteıdi. Al bıyl jyly aýa raıy bolyp, muz erip ketti. Sondyqtan kúshikter sýǵa túsken. Al jańa týǵan ıtbalyqtardyń terisinde sýdan qorǵaıtyn qabyrshyq bolmaıdy. Búginde 220 ólekse tabyldy. Sonyń 50 paıyzy jańa týǵan ıtbalyqtar», - dedi Balyq sharýashylyǵy komıteti tóraǵasynyń orynbasary.

Aıan Bahııanovtyń málimetinshe, tabylǵan ólekselerdiń dene músherinde qoldan jasalǵan jaraqattar bar.

«Tabylǵan birneshe ıtbalyqtyń basy jáne ózge de músheleri qasaqana kesip alynǵan. Bizdiń boljam boıynsha janýarlar zańsyz balyq aýlaý quraldardaryna túsken. Al brakonerler óz qylmysyn jasyrý úshin ıtbalyqtardyń basyn kesip tastaǵan», - dedi Aıan Bahııanov.

Buryn habarlaǵanymyzdaı, bıylǵy 5 aıdyń ishinde Kaspıı teńizi jaǵalaýynan 219 ıtbalyqtyń óleksesi tabylǵan edi.