Bir jylda Ózbekstannyń altyn valıýta rezervteri 1,2 mlrd dollarǵa tómendedi

Ótken jyldyń qorytyndysy boıynsha Ózbekstannyń altyn valıýta rezervteri 1,2 mlrd dollarǵa kemip, eldegi qymbat metaldyń kólemi shamamen 24,8 tonnaǵa azaıdy, dep habarlaıdy Kazinform agenttiginiń menshikti tilshisi.

Ortalyq bankten málimdegendeı, bıyl 1 qańtardaǵy jaǵdaıǵa saı, Ózbekstannyń resmı rezervtik aktıvteri 1,67 mlrd dollarǵa ósip, jalpy kólemi 34,56 mlrd-qa jetti. Bul rette altyn valıýta rezervteri 2023 jyly 1,2 mlrd dollarǵa, ıaǵnı 35,77 mlrd dollardan 34,56 mlrd dollarǵa deıin qysqardy. Mundaı tómendeý 2018 jyldan beri alǵash ret bolyp otyr.

Jalpy byltyr qazan jáne qarasha aılarynda Ózbekstan altyndy kóp satqan elderdiń kóshin bastaǵan bolatyn.

Statıstıka agenttiginiń málimetinshe, ótken jyldyń 11 aıynda Ózbekstan 8,15 mlrd dollarǵa baǵalanǵan altyndy eksporttaǵan. Bul 2022 jylmen salystyrǵanda 2,3 esege kóp jáne óz kezeginde rekordtyq kórsetkish sanalady.