Bir jylda 7 myń dáriger oqý bitirip, naýqastardy emdeı bastady

ASTANA. KAZINFORM — Dáriger daıarlaý úshin 2023 jyly respýblıkalyq bıýdjettiń esebinen 6 myńǵa jýyq bilim granty bólingen. Onyń ishinde 2,7 myńy — bakalavrıat jáne ınternatýra, 2,5 myńy — rezıdentýra, 325 — magıstratýra, 160 — doktorantýra.

Kadr daıarlaý júıesiniń tıimdiligin arttyrý úshin 2023-2024 oqý jylynan bastap mindetti rezıdentýramen jalpy oqý merzimi alty jyl úzdiksiz ıntegratsııalanǵan medıtsınalyq bilim  baǵdarlamasy engizildi.

Ony aıaqtaǵannan keıin bitirýshi dáriger biliktiligin jáne medıtsına magıstri dárejesin alady.

2023 jyly elimizdiń medıtsınalyq joǵary oqý oryndary 7 myńǵa jýyq dáriger shyǵardy, orta medıtsına qyzmetkerleriniń sany 23 myńnan asty.

3 myńnan astam densaýlyq saqtaý mamany bólý boıynsha jumysqa ornalastyryldy.

Jergilikti bıýdjet qarajatynyń esebinen bıyl 16,5 myń dáriger, onyń ishinde shetelde 108 adam biliktiligin arttyra aldy.

Dárigerlerdiń quzyretin arttyrý maqsatynda jalpy uzaqtyǵy 1 aıdan 3 aıǵa deıingi aýyldyq, qalalyq, oblystyq jáne respýblıkalyq densaýlyq saqtaý uıymdarynda rezıdent dárigerlerdi mindetti klınıkalyq daıarlaýdy engizý kózdelgen.

Bul rette túlekterdi áleýmettik qoldaý sheńberinde 601 mamanǵa kóterme járdemaqy bólindi.

384 jas dáriger turǵyn úımen qamtamasyz etildi, 74 maman ózge de qoldaý sharalaryn aldy.

Medıtsına salasyda 78 myńnan astam dáriger jáne 180 myńǵa jýyq orta medıtsınalyq býyn mamandary bar.